بسم الله الرحمن الرحيم

وبأكتبلك فى ليل مُشتاق وبأحلم ينتهى بُعدى

وبأكتبلك وكُلى أمانى أشوفك تانى يا حُبى

فى يوم موعود مستنى أعود ليكى بأحلامى

دراع مفرود وقلب حنون يناديكى يا عُمرى

حاشيلك جوه نِن العين وأطوف بيكى فميادينى

وأعيش ذكرى سنين غُربة بعيد عنك ومُشتاقلك

مابين الليل وساعاته باعيش وبسمِتِك جانبى

سعيد محتار ليل ونهار وصورة يحاوطها ألف جدار

جدار البُعد والحرمان بتقتل بالحنين صبرى

باشوف بعنيكى أحلامى وأوهامى فى ليل أبيض

وعُمر نهار القُرب ماحايبعد وشمس الحُب مُش هاتغيب

باشوف فيكى ووياكى سنين العُمر اللى باقية لى

ما بين أبيض وبين إسود ولون حُبنا الوردى

وباشتاقلك كتير وساعات بنتلاقى فى الأحلام

وكتير نتلاقى بين جُدران البُعد والمسافات

بحبك لو قلتها بدموع حتروى كُل ورد الكون

بحبك ونفسى مُلتاعة ومُشتاقة لساعة قُرب تجمعنا

سنين تجرى وبتعَدى بدون إحساس يحركها ويحييها

وكُثل ما نلقى وِش بَشُوش بنتفاءل بيوم نرجع ونتعانق

وندوب جوه أحلامنا ونحلم فوقها حلم جميل

ونِنقل كُل إحساسنا بنار الغُربة دى لمواويل

نعيش بيها نعيش ليها نعيش سوا نرددها

فى كُل مكان وكُل زمان دىشاهدة علينا بنتعذب

بنُصرُخ فىجدار مصموم بصوتنا اللى كان مكتوم.وبأكتبلك