- وبأكتبلك فى ليل مُشتاق وبأحلم ينتهى بُعدى
- بأحلم يوم ما ألقاكى تكون الغنوة اللى تجمعنا
حنين وغرام وأحلام حلوة بدون كوابيس
أحلام صافية من الأحزان بتتهامس وتتواعد
وكُل يوم علينا يفوت يأكد حلمنا الموعود
بحبك ويوم ماحألقاكى حأطفى فيا نار الشوق
وأعيش أجمل سنين عُمرى اللى ضاعت ويا أحزانى
صراعى طويل مع الغُربة مع البُعد والحرمان
وبين الذكرى والأحلام بألاقى بسمتك زادى وزوادى
وقلبك ينده على قلبى يقولُه تعالى وكفاية
دا يوم جانبى بألف سنين بعيد عنى ما تحرمنيش
من الإحساس بإنك نار تدفينى ما تكوينى
بإنك إنتَ صوت حُبى بَنَاَدى عليك ومُشتاقلَك
ونفسي ِنلتِقى يا زمان بعد سنين من الحرمان
وأشوف تانى حبيب قلبى ينادينى بشوق وحنان
ويهمس فيا جوايا بألف جواب على سُؤالى
عُمرى مانسيت إنك حلمى اللى عايش بيه
وليه يا حُبى حأنساكى دا حلمى إنى ألقاكى
بعد سنين من الغُربة وأعيش إحساسى وياكى
نعيش اللحظة والمكتوب نِرَجع إسمنا المشطوب..وحأكتبلك
ليست هناك تعليقات:
إرسال تعليق